ໃນຕອນເຊົ້າຂອງວັນທີ 29 ກັນຍາ 2023, ທີ່ ສະຖາບັນການທະນາຄານ

ຕາງໜ້າ ສທຄ ນໍາພາໂດຍ ທ່ານ ປອ ອາຄົມ ປຣະເສີດ ຜູ້ອໍານວຍການສະຖາບັນການທະນາຄານ
ແລະ ຕາງໜ້າ ທອຈ ໂດຍ ທ່ານ ນ. ຈັນເພັງ ວົງສົມບັດ ຜູ້ອໍານວຍການທະນາຄານອິນໂດຈີນ
ພ້ອມດ້ວຍຄະນະນໍາ ແລະ ພະນັກງານຂອງທັງສອງຝ່າຍເຂົ້າຮ່ວມຢ່າງພ້ອມພຽງ.
.
ເພື່ອຜັນຂະຫຍາຍເນື້ອໃນຈິດໃຈຂອງຂັ້ນເທິງ ແລະ ສອດຄ່ອງຕາມມາດຕະຖານການປະເມີນຄຸນນະພາບການສຶກສາ ຂອງກະຊວງສຶກສາທິການ ແລະ ກິລາກຳນົດໄວ້.
ທັງສອງຝ່າຍໄດ້ປຶກສາຫາລື ຄວາມເປັນໄປໄດ້ໃນການຮ່ວມມືກັນໃນດ້ານການສ້າງທ່າແຮງ ແລະ ສົ່ງເສີມວຽກເຮັດງານທຳໃຫ້ກັບນັກສຶກສາ ສທຄ ເຊິ່ງສອດຄ່ອງກັບແນວທາງນະໂຍບາຍລວມຂອງຂັ້ນເທິງ ກໍຄືແຜນງານໂຄງການຂອງທັງສອງຝ່າຍ.
.
ເພື່ອເປັນບ່ອນອີງໃນການຈັດຕັ້ງປະຕິບັດວຽກງານການສ້າງທ່າແຮງ ແລະ ຄວາມອາດສາມາດໃຫ້ກັບນັກສຶກສາ ຮຽນຮູ້ວຽກງານພາກປະຕິບັດຕົວຈິງ ເປັນແຕ່ລະໄລຍະ ທັງໃນປັດຈຸບັນ ແລະ ຕໍ່ໜ້າ.

ທ່ານ ນ. ຈັນເພັງ ວົງສົມບັດ ຜູ້ອໍານວຍການທະນາຄານອິນໂດຈີນ ກ່າວວ່າ:
“ທະນາຄານອິນໂດຈີນ ເວລາໃດກໍ່ເນັ້ນໃສ່ຄຸນນະພາບຂອງບຸກຄະລາກອນເປັນຫົວໃຈສຳຄັນ ນອກຈາກຄວາມຮູ້ ຄວາມສາມາດແລ້ວ ສິ່ງທີ່ຂາດບໍ່ໄດ້ກໍ່ຄືຄວາມຊື່ສັດ ແລະ ຫົວໃຈການບໍລິການ ເຊິ່ງມັນຕ້ອງໄດ້ຖືກປູກຝັງຜ່ານການເວລາ, ທະນາຄານອິນໂດຈີນ ແມ່ນຖືເອົາສິ່ງນີ້ເປັນຄ່ານິຍົມໃນອົງກອນຂອງພວກເຮົາ ແລະ ພວກເຮົາກໍ່ພູມໃຈ ໃນຄຸນຄ່າທີ່ພວກເຮົາໄດ້ສ້າງມາ ຕະຫລອດໄລຍະເວລາ 15ປີຂອງການເປີດທະນາຄານຂອງພວກເຮົາ ແລະ ພວກເຮົາໄດ້ສົ່ງມອບສິ່ງດັ່ງກ່າວສູ່ພາຍໃນອົງກອນ ສູ່ລູກຄ້າ ຕະຫລອດຮອດສັງຄົມ.”
.
ການຮ່ວມມືໃນຄັ້ງນີ້ ໄດ້ກາຍເປັນຂີດໝາຍອັນດີ ແລະ ບາດກ້າວອັນສໍາຄັນໃນການສ້າງ ແລະ ພັດທະນາບຸກຄະລາກອນທີ່ມີປະສິດທິພາບ ແລະ ຈັນຍາບັນອອກມາຮັບໃຊ້ສັງຄົມໃນອານາຄົດ